يلا بينا ناخذ ثواااااب كلنا

اللهم لك الحمد كما ينبغى لجلال وجهك و عظيم سلطانك

اللهم صلى على سيدنا محمد فى الاولين و الاخرين و صلى عليه فى الملاء الاعلى يوم الدين

اللهم انى اسئل حبك و حب من احبك و حب كل عمل يقربن الى حبك

اللهم نسالك حب النبين و المرسلين و اتباعهم

اللهم ياواصل المنقطعين اصلنا اليك

اللهم ارنا الحق حقاً و ارزقنا اتباعه

و ارنا الباطل باطلاً و ارزقنا اجتنابه

اللهم انا نعوذ بك من شر التن ما تظهر منها و ما بطن

اللهم استخدمنا و لا تستبدلنا و اجعلنا هداه مهدين

كن معنا و لا تكن علينا

انصرنا و لا تنصر علينا

استرنا بين عبادك و بين يديك

استرنا فوق الارض و تحت الارض و يوم العرض عليك

لا اله الا انت انى كنت من الظالمين

اللهم انص امه الاسلامو المسلمين و اهزم الشرك و المشركين ارنا فيهم ايه مثل ايه اصحاب الفيل

االلهم لا تزر الظالمين فى ظلمهم حتى لا يكونوا اسوه لغيرهم

اللهم انفعنا بما علمتنا و علمنا ما ينفعنا

و رضنا بقضائك حتى لا نحب تعجيل ما اخرت ولا تاخير ماعجلت

اللهم انا نسالك الجنه وما قرب اليها من قول او عمل و نعوذ بك من النار وما قرب اليها من قول او عمل

اللهم انا نسالك الاخلاص قولا و عملا سسرا و علانيه

اللهم اغننا بحلالك عن حرامك و اغننا بفضلك عمن سواك

اللهم نا نعوذ بكمن شرور انفسنا و سيئات اعمالنا

اللهم انر بصيرتى و خذ بيدى و تقبل توبتى و استجب دعوتى

اللهم انا نقسم بك عليك فانت دليلنا اليك

و نسالك بسر اسمك الاعظم الذى اذا نديت به لبيت و اذا سؤلت به اعطيت فلا حول و لا قوة لنا الابك و حسبناالله و نعم الوكيل

بسر لا اله الا الله محمد رسول الله ...... بسر قل هو الله احد ..........يا حنا يا منان استجب يا رحمن يا مجيب السائلين يا سامع النجوى يا كاشف البلوى ........ افمن يجيب المطر اذا دعاه

انك قولت و قوك الحق انا عند ظن عبدى بى و ظننا بك انك انت الكريم الرحيم العل الحق ووعدك الحق و الجنه حق و النار حق

فانت السميع العليم المجيب و صلىاللهم و سلم على سيدنا محمد و على اله و صحبه اجمعين

و اخر دعوانا ان الحمد لله رب العالمين

يا جماعةانا كنت نوية اكتب حجات تانة بس الشكوى لغير الله مذله و هو عالم بية و بحالى فقولت اكتب الادعية دى علشان ناخد كلنا ثواب الادعية الحلوة دى و يا ريت تنشروها عندكوا دة طلب او رجاء علشان ناخد الثواب انا و انتوا و ربنا يجعله فى ميزان حسنتنا كلنا ان شاء الله لواحد فى عرضحسنة واحد ربنا يكرمكوا يا رب

امتحان صعب

ازيكوا عمليين اية ...... يا رب تكونوا كلكوا كويسين و تمام ...... انا اخدت لفة على المدونات بتاعتكوا و لقيت فى ناس خلصت امتحنات و ناس لسة ربنا يكرمكوا و تفرحوا بنتائج تعبكوا ..... بس الظريييف ان فى الوقت الى الناس فى خلصت او بتخلص امتحناتها انا عندى امتحاااان ..... بس هو امتحان صعب اوى اوى و ربنا ميكتبهوش على حد ....... امتحان انا اصريت انى ادخلة لوحدى بدون اى مساعدات خارجية من اى حد ...... محدش يعرف عنة حاجة غير امى و بس ...... الامتحان دة هيسعدنى ارجع تانى اتصالح مع نفسى و نرجع اصحاب زى زمان حتى لو منجحتش فية هبقى كسبت فية نفسى ........ خلانى شيفة الدنيا صغيرة اوووووووى متستهلش كل الى احنا بنعملة دة ......... خلتنى اعد افكر انا عملت اية لنجلاء فى 23 سنة الى عشتهم ...... بس للاسف لئيتنى معملتلهاش حاجة خااااالص ....... يمكن علشان مكنتش عملة حسابى و لا كان ممكن يجى فى دماغى انى هتحط فى الامتحان دة فى يوم من الايام ..... انا فى البوست الى فات كنت متدايقة اوى علشان الناس الى حولية مش قريبين منى .....

بس سبحان الله و له فى ذلك حكم .......

الفترة دى انا بحاول انى احافظ على اعصابى هدية و بحاول ارفع من معنوياتى افكر فى حجات تفرحنى و ببعد عن اى حاجة ممكن نزعلنى .... مش عوزة ازعل ولا عوزة ازعل حد منى ....... نفسى كل الناس الى حولية ميزعلوش منى و ميكونوش شيلين منى ..... بس هما عرفنى عصبية و بجعجع بس قلبى ابيض و مبيحبش يزعل حد منة ........ على كل حال هنشوف الايام الى جية مخبيالنا اييييية من مفاجأت و ربنا يقدرنى و اقدر اكون قد الامتحان دة او على الاقل يقدرنى اعمل الى علية فييية .

ردا على سؤال ايناس

اولا حبة انى اشكرك على سؤالك علية لما غبت .... و منكرش انى استغربت لما لئيتك سئلتى علية و على سبب غيبتى .... و دى حاجة بسطتنى جدا .... وخلتنى اكتب البوست دة مخصوص علشان اشكرك لانك من غير ما تحسى بسؤالك دة دخلتى فرحة على قلبى الحزييييييين و الى بقاله كتيييير مفرحش ..... انا قرات تعليقك فى نفس اليوم الى كتبتية بس اعدت افكر ارد عليكى اقولك ايييية ...... اقولك انا بعيدة لييية .. حاولت انى اكتب كذا مرة بس حسة ان الى جواية كبييير اوى اوى لدرجة انى اصلا مش عرفة اعبر عنة ....... فى حجات حصلة جواية و حجات حسة بيها صعبة علية ...... غيابى الفترة الى فاتت دى كان لية هدف كنت عوزة اعرف او اثبت حجات لنفسى ...... و يارتنى ما عملت كدا لان الى اكتشفتة وحش اوى ...... اكتشفت انى ولا حاجة فى حياة ناس هما بالنسبة لية كل دنيتى ...... اكتشفت انى لو غبت مش يومين لا شهرين محدش هيسئل اصلا او ممكن يدونى رنة الى هو انتى فيييين . و بصراحة مش عرفة الغلطة فيين هل انا الى ادتهم اكبر من حقهم ولا انا الى عيشت نفسى فى وهم انى مهمة فى حياتهم ...... و فى الغالب العيب منى انا عرفة انى انا الى محتجاهم اكتر ما هما محتاجنى لان كل واحد فيهم عندة حياتة ودنيتة كل واحد فيهم حاسس بالامان و السعادة مع الناس الى بيحبهم سواء عيلة او حبيب او خطيب او زوج ..... ودة حقهم وربنا يهنيهم و يسعدهم و انا مش بلوم عليهم انا بلوم على نفسى و بسئلها سؤال واحد بس لية بتعملى كدا فى نفسك لية بتقللى من روحك بالشكل دة ..... عندى احساس بالمهانة عالى اوى ..... عارفة سعات كتييير اوى ابص انفسى فى المراية فترة و اقولها " هو لية بيحصل معاكى انتى كدا "مبيتهيئليش ان طلباتى صعبة ولا زيادة عن الطبيعى ولا انا شريرة ولا وحشة ...... انا كل الى عوزاة انى احس بالدفا و الامان ..... احس ان لية دهر شديد اتسند علية ..... مش عوزة احس احساس الشفقة و لا عوزة احس انى بتاقل على الناس الى حولية علشان هما ذوووق معاية ...... ولا عوزة اصعب على حد ولا اشحت الاهتمام من حد ...... عرفة انا عوزة ناس احس انى مهمة فى حياتهم بجد مش اوهم نفسى انى مهمة فى حياتهم او كنت مهمة فى حياتهم ..... انا جواية حجات كتييير اوى صعبة و شدييدة اوى على الطفلة الصغيرة الى جواية ..... بس الطفلة دى لازم تواجة الحقيقة مهما كانت صعبة ولازم تعرف تتعامل و تعيش حياتها سواء لوحدها او مع ناس.... إناس انا عرفة انى نص كلامى بالنسبة ليكى ممكن ميكنش متفسر اوى و انى وجعت دماغك و ضيعت وقتك فى موضوع ميهمكيش .... انا بس حبيت انى ارد عليكى و احترمت انسانة لسة متعرفنيش و بالرغم من كدا سئلت علية و حبت تطمن على سبب غيابى اشكرك مرة تانية و اعذرينى لانى دخلتك فى متاهات متهمكيش انا عرفة انك هتبتدى امتحنات دة لو مكنتيش ابتديتى ربنا معاكى و يوفقك ان شاء الله .... على فكرة البوست دة انا مرجعتهوش بعد ما كتبتة علشان انا لو رجعتة هشيلة كلة فاعزرينى لو فى كليمات مش وضحة وا حاجة ..... و اشكرك على اهتمامك مرة تانية

اعتذار لاغلى الناس

اخوانى و اخواتى الحلويييين انا حبة انى اعتذر لصديقى العزيز احمد لانة هو الى بعتلى التاج الاخير الى انا رديت علية و مش عرفة ازاى راح من بالى انى اقول كدا مع ان دة اول سؤال ...... انا اسفة جدا جدا بس انتا عارفنى كويس الزهيمر شغال معاية بدرى بدرى و عدم التركيز انتا عارف البيت و العيال و طلبتهم يقطع الخلفة و سنينها هههههه ...... سماح المرة دى خليها عليك المرة دى هو اة انتا مخليها عليك من يوم ما عرفتنى بس معلش ........ انتا الكبيييير بقى

التاج التانى بجد اسئلة جامدة جدا

انت مين بقى؟

انا نجلاء

بنوتة بسيطة جدا جدا

عندك كام سنه؟

23 سنة

هل انت متزوج ؟ وهل عندك اولاد؟

لالالالالالالالا

دراستك ايه؟

انا خريجة سياحة و فنادق

قسم سياحة

كم طولك...وما لونك

طولى 168 – لونى زى لون تراب مصر خمرى

هل تمارس عملا بشهادتك ام عمل حر وماهو ؟

هو مش بشهدتى بظبط يعنى لانى خريجة قسم سياحة مش فنادق

انا بشتغل دلوقتى فى شركة تمتلك مجموعة من الفنادق

و انا فى قطاع رقابة الجودة على الفنادق دى

جودة الخدمات الى بتقدم للنزلاء

ماهى مدة عملك اليوميه

8 ساعات

ماذا تفعل بوقت فراغك

يعنى مفيش حاجة محدد تليفزيون – نت – او بخرج

هل لديك هوايات....وهل تمارسها ؟

اينعم انا برسم و طبعا بمارس الهواية دى بس لما بكون متدايقة

سبحان الله الرسمة بتطلع تحفة لما برسم و انا متدايقة

و بحب اكتب بس انا كنت عملة اضراب لحد وقت قريب

هل تشعر برضا ربنا عنك

مممممممم السؤال دة صعب اوى انا طمعانة فى كرم ربنة و عفوة و بتمنى انى اقدر اوصل لدرجة احساسى برضاة عنى

هل تحب ؟...ومن بقلبك الان؟

اهااااااااااا بحب من زماااان مش دلوئتى

لو لم تجد من تحب ....فماذا ستفعل

هعمل اضراب ههههههه

عندما تكون فى موقف اتخاذ القرار..تخالف الجماعه.. ام تشرك معك الاخرين ؟

هو فى اغلب الامور انا صوتى من دماغى

هل تتعامل بواقعيه؟

فى الوقت الحالى جدا جدا

و دة لان حياتى مفيهاش الرومانسية الى تخلينى افكر بمشاعرى

ماهو الشيء الذى فعلته وندمت عليه طول عمرك

ممممم بص انا مؤمنة جدا بالمقولة الى بتقول

إن الله حليم ستار

هل تصارح غيرك بالحقيقه ؟ ام تقول له مايريد سماعه؟

بص لو هو حد يهمنى هقولوا راى و بدون تردد و بمنتهى الصراحة

و لو محدش يهمنى انا مش هقول راى فى حاجة غير لما يتطلب منى و هقولة بصراحة يعنى فى الحلتين بمنتهى الصراحة

صف انسان يمكن ان تحبه عمرك كله

ههههههه السؤال دة انا ممكن الخصة فى اسم الانسان الوحيد الى حبيتة

بس مش هينفع و علشان اجاوب على السؤال دة هكتب كتيييير اوى

متى يقسو قلبك ؟

لما بحس ان كرمتى اتهانت

هل يمكن ان تحب احد من المدونين؟

لالالالالا طبعا انا ارفض تماما الحب الى بيكون عن طريق الانترنت

وهل يمكن ان يكون شريك حياتك؟

ما انا قولت لالالالالالالالا

ماذا تعنى لك المرأة او الرجل؟

المرأة ..... الحنان

الرجل ..... الامان

اقولهالك بالبلدى كدا : المرأة هى الحلة و الراجل غطاها

فى زمن البحث عن الماده ..عن ماذا تبحث انت؟

عن الامان و الاستقرار و الحب

متى تعرف انك تحب؟

هههههه هحس

ماهى الشخصيه التى اثرت بحياتك

انا كل شخصية عرفتها اثرت فى حياتى و اتعلمت منها شئ

و على راسهم صديقى العزيز احمد

هل يوجد من تراه سعيدا فى الدنيا ولماذا

يعنى بتكون سعادة مؤقتة مش لمدة طويلة

ماهى درجة صراحتك

لحد دوقتى انا صريحة جدا جدا

وماهى المواقف التى يمكن ان تكذب فيها

يعنى على حسب مفيش حجات معينة

هل يتغير الحب بعد الزواج؟

بص انا لية راى فى الحكاية دى الحب اة بيتغير بعد الجواز بيكون اقوى

لانهم بيستحملوا سوى ضغوط الحياة و العيشة بتستحملة و هو تعبان و زهقان

و هو كمان بيشيلها انها وقفت جمبة فى الاوقات الصعبة راعت ظروفة

قدرت تهون علية حتى لو بحضن حنين مش شرط انها تقدر تحللة مشاكلة بس احساسة انها حسة بية و متفهماة دة بيزود الحب بينهم

فيما تفكر الان

عوزة اقوم اعمل شوية شربة نفسى فيها اوى

لو لم تعيش بمدينتك ؟؟ ؟فاى مدينه اخرى تفضلها

الاسكندرية

من اول من ياتى ببالك لتحكى له اسرارك؟

انا فى الغالب مش بتكلم اوى فى اى حجات تخصنى

بحس ان مش كل حاجة ممكن تتقال

من هو الد اعدائك؟

اعادئي يا ساتر يارب لالالالا الحمد لله انا مليش اعداء ممكن اكون فى ناس مش بستريحلهم بس مش اعداء

من هو صديق

انا اصحابى قليلين جدا يعنى على مدار عمرى الى فات دة كلة

هما 5 اصحاب بسو بحبهم كلهم

لو الدنيا كلها زيك....لمن تقول هذه العباره

بما ان انا بنوتة فانا هقول الكلمة دى للسيدة خديجة زوجة الرسول

لانها ساندتة فى بداية الرسالة و امنت بية و برسلتة

يا ريت كل زوجة تعمل زيها و تؤمن بقدرات زوجها و تشجعة و تكون سندة فى الدنيا

و تقف جمبة فى اوقات الشدة

ماذا تكره فى الحياه

الكدب و الغش و النفاق و الحر ههههه

ماذا تحب

بحب كل حاجة عادى يعنى

كيف تواجه مايضايقك وماذا تفعل عند المفاجآت

على حسب الموقف فى حجات بيكون ضرورى فيها المواجهه و فى حجات تانية الصمت فيها بيكون افضل علاج

لو معاك فلوس اكثر مما تتخيل...فماذا ستفعل بها

هعمل حاجة لله و هعمل مشروع يساعد الشباب

و هعمل مشروع خاص بية و قبل كل دة هطلع احج او اعمل عمرة انا و اى حد عاوز يطلع معاية

هل الفقر يصنع حبا؟؟

الانسان هو الى بيصنع الحب

وماذا لو وجد الحب فى زمن الفقر المادى؟

بتفرق هنا من شخص للتانى مش مشكلة لو انسان فقير حب بس المشكلة لو ان الانسان دة مستسلم للوضع الى هو فية ساعتها هيموت الحب لان البنت هتحس

ان الى بتحبة مش بيعمل حاجة علشانها و لا علشان يحسن من وضعة
ماهى اقسى صدمه تعرضت لها حتى وقتنا هذا؟

لما اكتشفت انى رجعت وحيدة تانى

كان رد فعلك؟

حالة من لانقطاع عن العالم الخارجى لمدة 3 سنين

هل تعلمت منها شىء؟

اكييييييييد اتعلملت ان الحياة من غيرناس بتحبة بجد متتعش

و ان الانسان مننا لما يلاقى ناس بجد بيحبوة ميسبش الحجات الصغيرة بتضيع منة الناس الى بيحبهم

هل انت على استعداد لتلقى صدمات اخرى؟؟

هههههه هو تقريبا انا نحست بس ربنا ميجبش صدمات تانى

كيف ترد على من لاتصدقه

لو حد قريب منى بقولة فى وشة انى مش مسدقاة و لو حد معلافهوش بعمل نفسى مسمعتهوش

اذا احببت انسان ما ...هل تصرح له بحبك

بعتبارى انا بنوتة فمستحيييييييل انا هروح اقولة انى بحبة لانى غلية اوى و مهما كنت بحبة مستحيل هرخص نفسى بالشكل دة

بس اكيد هيبان علية و الحدق يفهم بقى

ماذا تفعل لو لم يتجاوب معك؟

هنفضلة هههههه

هل تؤمن بالمثل القائل:انا احب فانا اعيش

ممكن يكون صح بس انا اعرف ناس كتير عيشين من غير حب

هو احنا ممكن نقول ان الحب بيضيف سعادة على الحياة

ماهى القضايا التى تشغل بالك؟

بجاحة البنات الى بقت زيادة اوى

مبقوش بيتكسفوا على دمهم ميعرفوش ان احلى حاجة فى البنت حيائها

هل تستطيع تحقيق كل احلامك؟

العبد فى التفكير و الرب فى التدبير

هل تمتلك طموحا...وماهو؟

اكيييييييد فى طموحات فى الوقت الحالى و هى تخص الشغل بتمنى انى انجح فية

و طموحات على المدى البعيد انى الاقى الزوج الصالح و اكون اسرة ناجحه

كيف ستحقق طموحك...ام سيبقى حلما فقط

ربنا يكرم ان شاء الله
ماهى علاقتك بالدنيا؟

علاقة تعارف

لو لك اختيار زمن تعيش به....فماهوذلك الزمن ؟ ولماذا

زمن الاميرات و الفرسان لانة زمن الراجل فية راجل و الست ست

هل يمكن ان ارا ك وانت غائب؟؟؟؟؟؟؟

طبعا اتفضلى عندى فى المدونة بتاعتى هتشوفينى

ماذا ترى فى نفسك مميزا عن الاخرين

الهطل بعيد عنك

من اذا اقترب منك ...هربت منه بعيدا؟

الشيطااااااااااان

من تقول له : قرب منى قرب ...ياقلبى يا متغرب

ههههههه مش هقولك

اهداء التاج ؟؟؟؟؟؟؟؟؟

للاسف انا الناس الى عندى تقريبا كلهم راحلهم التاج دة بس لو لاقيت حد مرحلوش هبعتهولوا من عنية

شوية بعبعة كانوا لازم يطلعوا

حسة بحاجة جواية عمالة بتشدنى علشان فى كام حاجة كدا جواية عوزة تطلع ..... بس بينى و بينكوا انا مكنتش عوزة اطلعها ...... يمكن علشان انا حسة ان الوقت الى المفروض كانت تطلع فية عدى و من زماااان ....... و يمكن لانى عرفة ان الشخصية الوحيد الى كان نفسى تعرف و تسمع الكلام دة مش هتقراة ..... بس انا قررت اقول و الى يحصل يحصل ..........

انا مش من نوعية الناس الى يحرجوا انهم يقولوا انهم حبوا قبل كدا ...... انا محبتش غير مرة واحد فى حياتى و محدش عرف يسرق قلبى غيرة هو و بس..... مرت علينا مشاكل كتييير و اختلفنا بردة كتييير و افترقنا و دة من فترة مش قليلة ...... بس انا لسة عيشة بية جواية لحد انهردة محدش ممكن يملى عينى غيرة ...... و لا حد عرف يشيلة من قلبى و ياخد مكانة ..... المهم انا مش هدوش دماغكوا بتفاصيل متهمكوش ...... انا فى حاجة كان نفسى اقولهالوا من زمان بس مجتش الفرصة او يمكن انا الى معرفتش اقولة الكلام دة و هو ادامى ......

انا عوزة اقولة " انا مؤمنة بيييك جدا و بقدراتك و عرفة ان الدنيا ملطشة معاك فى الوقت الحالى و انك حاسس بالدنيا مئفلة ادامك ..... بس سدئنى هتفرج قريب و قريب اوى اوى ان شاء الله فاكر انا قولتلك مرة اول ما عرفتك انك هتكون حاجة مهمة اوى و كبيرة اوى و انى هشوفك فى التليفزيون فى برامج جامدة جدا ..... و دة مكانش كلام وخلاص سدئنى دة عن اقتناع كامل لانى عرفاك كويس و عرفة انتا تقدر تعمل اية ....... انا مش عوزاك تستسلم للاحساس بالاحباط الى انتا حسة عوزاك تحاول مرة و اتنين و عشرة لحد ما تعمل الى انتا بتحلم بية .... انا مش هقولك انى عوزة اكون فخورة بيك لانى فعلا فخورة بيك جدا و فخورة انى عرفت و حبيت شخصية زيك ........ يمكن يكون مش مكتوبلى انى احقق حلمى بانى اكون جمبك فى كل مراحل حياتك و يكون دة مكتوب لواحدة غيرى بس انا مش هبطل ادعيلك و لا عمرى هنساك ......... بس عوزاك علشان خطرى و خاطر كل الناس الى بيحبوك عوزاك تقوى و متيئسش بكرة اكيييييييييد احسن من امبارح فى حاجة اخيرة انا عوزة اعتذرلك انى مقدرتش اقولك الكلام دة و انا معاك و بتمنى لو انك تقراء الى انا قولتهولك دة بس ازاى

دنيا الخيال

هى فتاة ليست باهرة الجمال و لكنها صاحبة ملامح رقيقة و احاسيس مرهفة ..... دائما تحلم باليوم الذى سوف تقابل فية فارس احلامها ليخطفها بحصانة الابيض الى دنيا الاحلام و السعادة .... و ظلت تحلم و تحلم حتى تحقق حلمها و التقت بة فى حفل راقص كلة اميرات و امراء ...... ظلت عيناها تبحث عنة و تدعوا الله بان يراها و فجاة ظهر هذا الفارس بزية الانيق ...... راتة يقترب و يقترب و كلما اقترب زادت دقات قلبها حتى وصل اليها و هى تكاد لا تصدق عينها ..... وقف امامها و انحنا تحية لها و قبل يدها و كانت نظراتة مليئة بالحب و الاعجاب ....... و يسألها هل انتى اميرة هذة اول مرة التقى بك ....... فردت فى خجل لا لست اميرة ......ثم تسمع صوتة الرقيق يقول لها اميرتى هل تسمحين لى بتلك الرقصة فتنظر اليه و تحرك راسها بالقبول ...... فيمد لها يدة و يكاد قلبها يتوقف من سرعة دقاتة عندما لمست يدها يدة ....... لم تشعر بشئ الا انها بين يديه و تشعر بدقات قلبة ....... كان الصمت هو سيد الموقف و لكن اعينهم لم تتوقف عن الكلام فقد انعزلوا عن العالم المحيط بهم و لم يسمعوا شئ سوى اصوات قلبهم التى كانت تعزف احلى الالحان ..... سنفونية لم يعرفها و لم يسمعها سواهم و ظلوا يرقصون و يرقصون ...... و فجاة توقفت الموسيقى ما هذا هل انتهت الرقصة بهذة السرعة .... و عندها نظروا الى من حولهم فوجدوا كل المحيطين بهم يحدقوا فيهم و يتاملوهم بصورة جعلت هذة الفتاة تخجل بشدة و يحمر وجهها الرقيق و كأن الناس كانوا يعرفون ما يدور بداخل قلبها الرقيق ...... عندها حاولت الفرار و لكنة سارع بمسك يدها حتى لا تهرب و نظر اليها و قال اميرتى هل تقبلى .............. لم يكمل الامير طلبة و السبب فى هذا صوت قادم من بعيييييييييييييد من دنيا الواقع صوت يقول نجلاء اصحى هتتاخرى على شغلك مش كل يوم هتغلبينى فى الصحيان بالطريقة دى و للاسف اتطريت انى افتح عنية على الواقع و اسيب دنيا الخيال من غير ما اعرف يا ترى الامير كان هيطلب اية و هى كانت هترد علية و تقولوا اييييييية ؟؟؟؟؟

إيناس الجميلة شكلة واجب صعب و شديد ...... هو لازم الواحد يكون صريح اوى ههههههههه

بس هو عجبنى و فكرتة حلوة

قوانينه كالتالي:

* اذكر اسم من طلب منك حل هذا الواجب.

* اذكر القوانين المتعلقة بهذا الواجب.

* تحدث عن ستة أسرار قد لا يكتشفها من يقابلك للمرة الأولى.

* حّول هذا الواجب إلى ستة مدونين، واذكر أسماءهم مع روابط مدوناتهم في موضوعك.

* اترك تعليقًا في مدونة من حّولت الواجب عليهم؛ ليعلموا عن هذا الواجب.

السؤال الاول : طبعا إناس الحلوة

السؤال التانى : تم الاجابة علية

السؤال الثالث: ممممممممم مش سهلة دى

1- الهدوء هو الانطباع الاول الى الناس بتاخدة عنى و انى منطوية بس دة علشان انا مش باخد على الناس بسرعة و بطبعتى مش اى حد اتكلم معاة بس شوية كدا و الفضايح كلها بتبان و بذات لو كانوا بننانيت حلوين

2- العببط اة العبط فى كتييييير من الناس يقولك دى شكلها عبيطة و مش فهمة حاجة فى الدنيا و انا بقى اصدة انى اظهر وش العبط و بذات فى بداية تعاملى مع ناس معرفهومش علشان ميخدوش حذرهم و يتكشفولى بدرى بدرى سوسة انا مش كدا هههههههه

3- اول انطباع بيتاخد عنى انى اليطة و طلعة فيها بس دة مش صحيح انا بس مش باخد على الناس بسرعة و مش اى حد اعرف افتحلة قلبى لانى بحب ديما اتعامل على طبيعتى و مش هعرف اعمل دة غير لما اكون مرتاحة مع الناس الى بتعامل معاهم

4- الى يقعد معاية يتخيل انى مش شيلة هم حاجة و ضربة الدنيا بالدزمة و مفيش حد فارق معاية بس دة العكس بتاعى تماما انا مشكلتى انى مخى شغال على طووووول و الناس الى قريبين منى مهمين جدا عندى و انا ديمابشبهم بعواميد البيت الاساسية ...... و اختفاء حد منهم بيتعبنى اوى اوى

5- كتييييييييير من الناس بيفتكرونى من الشخصيات الهادية او البردة و انا ابعد ما يكون عن البرود انا من النوع العصبى جدا مش برج الطور يا جدعان ازاى اكون بردة انا مش فهمة

6- فى ناس كتير بيقولولى انى معنديش قلب حيطة يعنى علشان انا جد شوية و بحكم عقلى كتيييير فى امورى الشخصية هو نص الكلام مظبوط انى بحكم عقلى فى كتير من امورى الشخصية ..... بس النص الاولانى هو الى غلط خالص انا بحاول انى اتظاهر بدة علشان انا قلبى عامل زى الجوهرة مش اى حد يعرف يوصلة و الى بيوصلة مش بيخرج منة حتى لو بعدنا عن بعض و يمكن تكون هى دى مشكلتى فى الوقت الحالى

السؤال الرابع : انا للاسف معنديش ناس كتير اعرفهم فأنا هبعت للاس الى اعرفهم الى هما :

- يوميات طالبة مقهورة

- yala qalb

-2alb a7mar

السؤال الخامس : من عيونى الاتنين جارى التعليق

ازاى تعملوا كدا فى ولادكوا

يا ريت لو الاهالى يفهموا هما بيعملوا اية فى ولادهم لما بيتحكموا فى مصايرهم ....... لما يحرموا اولادهم من الشخص الى بيختاروة شريك لحياتهم بسبب تحكماتهم فى هيفات ...... انا اعرف ناس و بذات بنات اهلهم جوزوهم لواحد غير الى هى كانت عيزاة بس لمجرد انه مقتدر و هيعيشها نفس مستواها الى هى عايشة فية و اهلة مش عرفة مين و الكلام دة ..... زمان كنت بقول دة شغل افلام و مش بيحصل فى الواقع و يعنى اية تاخد واحد هى مبتحبهوش و مش عوزاة ....... بس اكتشفت فى دنيا الواقع انة بيحصل و ان كتير من الاهل بيستغلوا سلطتهم و انهم هيغضبوا عليها و هيقاطعوها طول عمرهم و الكلام دة ...... و لو مفيش فيدة يمشوا فى الاتجاة التانى التطفييييش ما هو اى واحد هيجى مهما كان بيحبها اكيد عندوا كرامة و هيجى علية وقت مهما كان بيحبها بس مش هيدوس على كرامتوا اكتر من كدا ...... و هى تكون مقسومة نصين ما بين الى بتحبة و مقتنعة بية و بين اهلها الى هيغضبوا عليها ....... و فى النهاية نوصل سوى للنتيجة المعروفة ....... البنت تتجوز الواحد الى مبتحبوش و تعيش معاة تحت سقف بيت واحد ....... هو مش بيكون بيت بيكون سجن حتى لو كان احلى بيت فى الدنيا ....... صعب اوى اوى و بذات على البنت انها تكون مجبرة تعيش مع انسان و روحها و قلبها مع انسان تانى خالص و تجيب ولادها من راجل مش بتحبة ...... النتيجة بقى هتكون اية اولاد ضيعين لانهم ببساطة مولودين فى بيت مفيهوش اب و ام متوافقين فكريا و لا حتى طيقين بعض لو فى يوم عدى عليهم فى هدوء تلاقى ادامة 10 ايام من الخناق و الزعيق و التشنة جو يخلق اولاد يا اما يكونوا منطوين و معندهمش ثقة فى الدنيا ولا فى الناس الى حولايهم و لا عندهم حتى الاساسيات التى تاهلهم للتعامل مع العالم الخارجى تحسهم ناس زى اهل الكهف لايعرفوا ولا يفهموا حاجة فى الدنيا دى مع انهم بيكونوا وصلوا لسن معين لازم تكون بقى عندهم المقومات الى تاهلهم للتعامل مع العالم الخارجى ..... يا اما هتلاقيهم هيطلعوا صيعين طفشنين من البيت و على طول برة و طبعا ما اكثر اصدقاء السوء فى زمنا دة فبالتالى احتمال ضياعهم كبيييير اوى ......... و ممكن ناس لما تقرأ البوست دة يقولوا اية التشاؤم دة و لا الصورة مش وحشة اوى كدا ..... بس و الله العظيم انا اعرف ناس كتير كدا و فيهم قريبين منى اوى ..... و مش قدرة اوصفلكوا حالة الضياع الى هما فيها حتى بعد ما وصلوا لسن كبير المفروض انهم بقى يكونوا اتعودوا يعتمدوا على نفسهم و يحلوا مشاكلهم بنفسهم .... بس للاسف هما اعدين بيحاربوا فى حالة التوهه و انهم مش عارفين اية الصح و اية الغلط و اية الى المفروض يعملوا و اية الى ميعملهوش ....... دول بقى هم الضحاية الاساسين طلعوا جيل ضايع و تاية و لا يعتمد علية جيل مش بيدور على زوج بيدور على الاب الحنين الى مش لاقية واحد ياخد بأيدة و يعلمة من الاول خالص أ ب الدنيا و لما يلاقوا الحد دة تلاقى الاهل يعملوا مع ولادهم نفس الى اتعمل معاهم و يحاولوا يحرموهم من الشخص الوحيد الى فهمهم و كان حنين عليهم بذمتكوا مش حاجة تحزن

مقاييس اختيار شريك الحياة ... المستوى المادى

أنغــام ~ والله حلوة

اخريتها اييييييية مش عارفة

انا اسفة اوى على اللخفنة الى انا فيها دى ...... اسفة اوى على حالة اللخبطة و القلق الى انا حسة بيها و الى بحاول انها متظهرش علشان فى ناس ملهومش ذنب انهم يدخلوا المدونة عندى يكتئبوا ....... بس انا بجد حسة انى تعبانة ........ و الى تعبنى احساسى بالوحدة عندى احساس بالوحدة غرييييب حتى لو كنت وسط الناس ....... حسة جواية حزييييييييييييين ووحييييييييييد ........ كان بقالى فترة كبيرة محستش بالاحساس دة ........ بس مش عرفة ازاى حتى و انا وسط اصحابى حسة بالوحدة ......... و كان من اول الناس الى لحظت دة اقرب صحبة لية ..... لما خرجنا يوم عيد ميلادى خروجة حلوة و روحنا اماكن انا بحبها ...... و هرجنا و دحكنا ....... بس وحنا مروحين لئيتها بتقولى انبسطى فى الخروجة ....... قولتلها جدا كانت حلوة قالتلى مش عرفة لية مش حساكى مبسوطة و لاحساكى معاية اصلا ..... احساس صعب اوى لما الواحد يحس ان مبقاش فى حاجة بتبسطة فعلا مبقاش عارف يدحك دحكة من قلبة زى زمان ........... حسة انى لو استمريت بالاسلوب دة هيجرالى حاجة...... انا عرفة ان المشكلة فية مش في الناس الى حولية ....... يمكن علشان كدا معظم اصحابى مبكلمهمش الفترة دى ......... محتاجة الاول اعرف بسبب الاحساس الى غالب علية دة علشان اعرف اتعامل مع الناس الى حولية و علشان مخسرش الناس الى بحبهم ..... بس انا عندى ثقة فى ربنا كبيرة اوى انة مش هيسبنى كدا فترة طويلة و ان شاء الله هيرسينى على بر مش هيسبنى تايهه كدا

الى متى سوف اظل ابحث عنك

ابحث عنك فى كل مكان

ابحث عنك فى نظرات المحيطين بى ولكنها ليست كنظراتك

ابحث عنك فى ابتساماتهم ولكنها ليست كابتسامتك

ابحث عنك فى كلامهم و لكنة ليس ككلامك

ظللت ابحث وابحث ولكنى لا اجدك .... اشعر بوجودك قريب منى ولاكن اين انت فانا لا اراك ...... ولكنى لن ايئس سوف اظل ابحث حتى اجدك ...... و بعد بحث كثير وجدتك ...... نعم وجدتك وكانت المفاجأة لى ... حيث اننى وجدتك فى المكان الذى ظننت انك تركتة .... اتعلم اين وجدتك ....... وجدتك داخل قلبى و عقلى ووجدانى ...... حينها شعرت بسعادة كبيرة تغمرنى كالمياة التى تغمر الارض اليابسة ...... لهذا السبب كنت اشعر بك دائما قريب منى .... فقد وقف قلبى وقفة احتجاجية يرفض بشدة خروجك منة..... نعم رفض لانة يعتبرك مالكة الوحيد و يرفض وجود اى مالك جديد ..... ووجدتك داخل عقلى وعندما سئلتة عن السبب قال لى انة لم و لن يثق فى احد مثلما وثق فيك و انك السبب الاول و الرئيسى فى التغير الذى حدث لى و لن يستطيع احد ان ياخذ مكانك داخلة ...... اكتشفت ان كل شئ بداخلى يرفض و بشدة التسليم باختفائك من حياتى ....... و يتعاملون على انك لا تزال موجود ...... كل شئ بداخلى يدعو الله ان تعود الينا مرة اخرى ...... ولكنى ادعو الله فى حالة ان فراقنا هو المكتوب علينا ان يعطينى القدرة على العيش فى هذة الحياة بدونة ........و ان يهبنى القدرة على ان اتحمل احساسى بالوحدة و الخوف ......... و فى كل الحالات فانى سوف اظل احبة و احترمة ...... و اتمنى لة النجاح و التقدم و السعادة فى حياتة ........ و سوف اعيش على ذكرياتنا الجميلة و التى سوف اعتبرها السلوى الوحيد فى حياتى

صراع ما بين الظلام و النور

اشعر بالكلام بداخلى يتزاحم و يتسابق ليخرج الى النور ..... و كانة يرفض البقاء فى الظلام اكثر من ذلك ....... اشعر بالكلمات تصرج بداخلى

" تحدثى تحدثى " كفاكى صمتا فقد صمتى لسنوات طويلة

لا لا ارغب فى التحدث فأن حديثى لن يفيد فى شئ

بل سوف يتسبب فى احياء جروحى القديمة

فتكرر ما قالتة " تحدثى تحدثى " لاجلك تحدثى

لن تشعرى بالراحة التى تبحثين عنها الا اذا تحدثتى

لن تشعرى بالامان الذى تفتقدية الا اذا واجهتى مخاوفك

الى متى سوف تظلي خائفة الى متى سوف تختارى الظلام و ترفضى النور

لن استطيع

بل سوف تستطيعين .... بداخلك طاقة و عزيمة اعرفها حاولى

احاول و احاول و لكنى اشعر بتزاحم شديد فى عقلى لا اعلم ماذا اقول

رايت ذكرياتى تمر امام عينى رايت اخطائى و اوجاعى

وكانها شريط سنيما

حينها شعرت بقلبى يخفق سريعا سريعا

فقولت لها لالا اريد لن يتحمل قلبى

ان اجمع لة كل هذة الاوجاع التى

رأيتها امام عينى الان

لا تفكرى فقط تحدثى ..... اخرجى ما بداخلك و لا تخافى

انا اعلم ما بداخل قلبك و اعلم انة سوف يتحمل هذا الالم

المؤقت فى مقابل راحتة الابدية

و بالفعل وجدت شئ ما يحركنى الى الورقة و القلم .......اصدقائى القدام ووجدت نفسى اكتب و اكتب ووجدت دموعى تنهمر منى كالسيول الغزيرة..........عندها شعرت بأحساس لم اشعر بة منذ وقت طويل ........شعرت براحة شديدة و لكنها ليست كاملة لا يزال ينقصها شئ و لكنى لا زلت لا اعلمة و لكن سوف اظل ابحث عنة حتى اجدة لتكتمل راحتى

إهداء الى اغلى الناس

زى النهردة من 23 سنة انا جيت الدنيا دى ........ و فى كتير ناس كلمونى علشان يهنونى بعيد ميلادى ....... بس و انا اعدة مع نفسى حسيت انى لازم اعمل اهداء لاغلى شخصية فى حياتى " لامى " حسيت انى عوزة اقولها بحبك اوى و اسفة اوى على كل لحظة تعب او حزن او قلق اتسببت فيها ....... اسفة على كل الوقت الى ضاع من عمرى و انا مش قريبة منك ....... انا بعتبر امى ست مختلفة تبان قوية و شديدة بس هى من جواها زى اى ام فى الدنيا مبتستحملش الهوى على اولادها ........ و للاسف انا عرفت دة من قريب اوى ...... كنت كتير بقسى عليها و اقولها كلام يوجعها ........ و كتير كنت بحسسها انها مقصرة فى حقى ........ متتخيلوش اد اية انا ندمانة على كل الى كنت بعملة ....... و لما روحتلها علشان اعتذرلها ....... حتى معتبتنيش و قالتلى انتى كنت فى سن اللا كل حاجة لا ........ لاكن انتى كبرتى دلوقتى و مخك كبر و تقدرى تفهمى الامور بالطريقة الصح ........ انهردة لما رجعت من شغلها حضنتنى جامد اوى و قالتلى كل سنة و انتى طيبة ........ و اعدت تفتكر ذكراتها معاية و انا صغيرة ........ و اعدنا نتفرج على صورى و انا صغيرة و صور عيد ميلادى الاول و اد اية كانوا فرحنين بية و كانت باب السعد الى اتفتحلهم ....... بجد يا امى انتى ست رائعة و انا بحبك اوى ........ و ان شاء الله اعوضك عن الايام الى زعلتك فيها و اخليكى فخورة بية وسط الناس و تقوليلهوم دى بنوتى الصغيرة تربية ايدى ....... ربنا ميحرمنيش منك يا ست الحبايب ........ و بتمم علية رضاكى عنى يا امى

الحياه امل

عالم عيال عيال

زى ما انتوا عرفين انى لسة موظفة جديدة ....... و قبل ما ابتدى شغل كان عندى رهبة جامدة جدا علشان انا انسانة تلقائية جدا و على طبيعتى ...... و مكنتش عرفة الناس الى هناك عملين ازاى ولا كنت عرفة الاسلوب الى المفروض انى اتعامل معاهم بية ..... ولما روحت هناك شوفت الى كمنتش متخيلة انى اشوفة فى الشغل ....... شوفت عالم عيال عيال بجد عالم الوظيفة دة مليان عيال متنكرين فى صورة ناس كبيرة ...... و المشكلة فى ان المعيلة دى مش بتيجى غير من الكبار المديرين او المستشارين مش من الشباب الصغيرين .......
يعنى مثلا انا طول عمرى مرتبية على ان الرزق دة شئ مكتوب و حاجة ربنه هو الى بيوزعها ...... لكن المفهوم دة مش موجود خاالللللللص فى الشغل ...... واحد تجيلوا علاوة ولا زيادة فى مرتب و لا مكافأة تقوم الدنيا و متقعدش اشمعنا هو ياخد و انا لا .... اشمعنا؟ هو كدا بيأخد رزقى و رزق عيالى ..... رزقك ورزق عيالك اييييييييية بس ....... لا ومش بس كدا دة تلاقى الاخوة الحلوين الى بيحبوا ديما يسعوا فى الخير لازم يشعللوة ..... و يقولولو طبعا معاك حق انتا ازاى ساكت كدا لازم تشتكى ما انتا بتشتغل زيك زيوا و هتلاقية هو ولا بيشتغل ولا حاجة ..... روح اشتكى و احنا هنشهد معاك ..... و اول ما يروح يشتكى كلوا يعمل عبيط و يلبس هو فى الحيط ...... خدتوا بالكوا هما بيعملوا اية مع اخينا الى متدايق اوى دة من الى اخد رزقة تعالوا بقى شوفوا الناحية التانية عند اخينا الى اخد المكافأة و التهانى و الاشادة بمجهوداتة العظيمة و اد اية هو راجل طيب و يستاهل و اد اية هما مستغربين من اخينا الى زعلان دة و اد اية هو راجل حقود و غلاوى ...... ببقى نفسى اقولهم اد اية انتا بوشين و منافقين ........ و كل دة بيدور ما بين اية مديرين عموم و مستشارين يعنى اصغر واحد فيهم 50 سنة بعد اسئل نفسى هما مشبعون من كتر الحجات الى اخدوها ....... و ال اية انا الى كنت خيفة لحسن اسلوبى يكون عيالى و يستهفونى الناس الى كنت فكراهم كبار ...... ال كبار ال
و الى اللقاء فى الحلقة القادمة من عالم عيال عيال

مرايتى الصادقة

احلى حاجة فى الدنيا لما تحس بأهتمام الناس الى بتحبهم و تحس بخوفهم عيك .... تحس انك عندك استعداد تعمل اى حاجة علشان ترضيهم و علشان تطمنهم عليك .....و الاحلى بقى لما تحس ان جمبك و لو شخص واحد يكون زى مرايتك الى بتشوف فيها نفسك بدون اى تجميل ... انسان بيخاف عليك و على مصلحتك .... انسان ممكن تتكلم معاة فى اى حاجة تخطر على بالك .... انسان تضمن انة يحفظ سرك و يقولك الراى السليم ..... انسان فهمك و انتا كمان فهمة ..... مش سهل فى زمنا دة انك تلاقى حد بالمواصفت دى ..... ممكن تلاقى حد عندة معارف كتير و اصحاب كتير بس معندهوش الشخصية دى ...... و ممكن العكس تلاقى واحد معرفة مش كتير و صداقاتة محدودة بس عندة الشخصية دى انا بعتبر الانسان دة من المحظوظين ...... و الحمد لله انا بعتبر نفسى من المحظوظين لانى قابلت الشخصية دى ...... كتير بسال نفسى يا ترى لو مكنتش قابلت الحد دة كانت حياتى هتكون عملة ازاى ....... شخصية ليها غلاوة فى قلبى ملهااااااااش حدود مهما بعدنا و مهما اختلفنا هتفضل احسن شخصية انا قبلتها فى حياتى و مهما عملت مش هقدر ارد و لو حزء من الدين الى فى رقبتى له ..... انا عيزة اقولة شكرا شكرا اوووووووى يا اعز الاصدقاء على كل شئ و بجد بجد اسفة واوووووى على اى حاجة انا عملتها زعلتك منى و بجد ندمانة اووووووى
بتمنى تسامحنى من قلبك و تدوم صداقتنا الى الابد .....

Bryan Adams Can't stop loving you

كليب شيرين عبد الوهاب .. انكتبلى عمر 2009