حسة بحاجة جواية عمالة بتشدنى علشان فى كام حاجة كدا جواية عوزة تطلع ..... بس بينى و بينكوا انا مكنتش عوزة اطلعها ...... يمكن علشان انا حسة ان الوقت الى المفروض كانت تطلع فية عدى و من زماااان ....... و يمكن لانى عرفة ان الشخصية الوحيد الى كان نفسى تعرف و تسمع الكلام دة مش هتقراة ..... بس انا قررت اقول و الى يحصل يحصل ..........
انا مش من نوعية الناس الى يحرجوا انهم يقولوا انهم حبوا قبل كدا ...... انا محبتش غير مرة واحد فى حياتى و محدش عرف يسرق قلبى غيرة هو و بس..... مرت علينا مشاكل كتييير و اختلفنا بردة كتييير و افترقنا و دة من فترة مش قليلة ...... بس انا لسة عيشة بية جواية لحد انهردة محدش ممكن يملى عينى غيرة ...... و لا حد عرف يشيلة من قلبى و ياخد مكانة ..... المهم انا مش هدوش دماغكوا بتفاصيل متهمكوش ...... انا فى حاجة كان نفسى اقولهالوا من زمان بس مجتش الفرصة او يمكن انا الى معرفتش اقولة الكلام دة و هو ادامى ......
انا عوزة اقولة " انا مؤمنة بيييك جدا و بقدراتك و عرفة ان الدنيا ملطشة معاك فى الوقت الحالى و انك حاسس بالدنيا مئفلة ادامك ..... بس سدئنى هتفرج قريب و قريب اوى اوى ان شاء الله فاكر انا قولتلك مرة اول ما عرفتك انك هتكون حاجة مهمة اوى و كبيرة اوى و انى هشوفك فى التليفزيون فى برامج جامدة جدا ..... و دة مكانش كلام وخلاص سدئنى دة عن اقتناع كامل لانى عرفاك كويس و عرفة انتا تقدر تعمل اية ....... انا مش عوزاك تستسلم للاحساس بالاحباط الى انتا حسة عوزاك تحاول مرة و اتنين و عشرة لحد ما تعمل الى انتا بتحلم بية .... انا مش هقولك انى عوزة اكون فخورة بيك لانى فعلا فخورة بيك جدا و فخورة انى عرفت و حبيت شخصية زيك ........ يمكن يكون مش مكتوبلى انى احقق حلمى بانى اكون جمبك فى كل مراحل حياتك و يكون دة مكتوب لواحدة غيرى بس انا مش هبطل ادعيلك و لا عمرى هنساك ......... بس عوزاك علشان خطرى و خاطر كل الناس الى بيحبوك عوزاك تقوى و متيئسش بكرة اكيييييييييد احسن من امبارح فى حاجة اخيرة انا عوزة اعتذرلك انى مقدرتش اقولك الكلام دة و انا معاك و بتمنى لو انك تقراء الى انا قولتهولك دة بس ازاى
4 التعليقات:
بسم الله الرحمن الرحيم
السلام عليكم ورحمة الله وبركاته
ربنا يكرمنا ويوفقنا ويهدنا جميعًا
أنا بس مستغربة من حاجة لكن مش هسأل عنها لأن دي حاجة خاصة بيكي
ربنا يقدرلك الخير دائمًا
انا مكنتش متوقعة ان حد يرد على البوست دة خاللص علشان الموضوع يعنى ميهمش حد ... بس نورتينى يا ايناس و لو عندك حاجة عوزة تسئلى عنها مخلياكى مستغربة قوليها و هنشوف كدا ينفع ارد عليها ولا نوووووووووووو و شكرا على مرورك
مش عارفه اقولك ايه بس بجد عشان الكلام طالع من قلبك حساه صادف جدا يمكن مفيش واحده بتفكر زيك كده دلوقت او نادرا جدا لما يكون ف حد شايل ذكرى لانسان وحب كبير اوى وهو مش معاه دلوقت بس ان شالله ربنا يكرمه ويكرمك انتى كمان ان شاء الله
ملوكااااا اية الهنا الى انا فية دة بس ..... شرفتى مدونتى المتواضعة جدا ..... هو من ناحية الكلام طالع من قلبى هو طالع من معميك معاميكى ههههه بس اكيد فى ناس كتير عملة زيى و الواحد لما بيقلبل الحب الحقيقى مع انسان فعلا اكتر من رائع حتى لو مش مكتبلة انهم يكونوا سوى بيفضل فاكرة و بيحترمة لحد اخر نفس يطلع منة ..... اقولك على حاجة جواية حاجة من بعيييييييد بتقولى ان ربنا هيجمعنا تانى بس بحاول اعمل نفسى مش واخدة بالى منها علشان معيش على الامل دة و اتعود انى اكون منغيرة و لون دة صعب جدا
إرسال تعليق