الجمعة، 23 أبريل 2010

عالم عيال عيال

زى ما انتوا عرفين انى لسة موظفة جديدة ....... و قبل ما ابتدى شغل كان عندى رهبة جامدة جدا علشان انا انسانة تلقائية جدا و على طبيعتى ...... و مكنتش عرفة الناس الى هناك عملين ازاى ولا كنت عرفة الاسلوب الى المفروض انى اتعامل معاهم بية ..... ولما روحت هناك شوفت الى كمنتش متخيلة انى اشوفة فى الشغل ....... شوفت عالم عيال عيال بجد عالم الوظيفة دة مليان عيال متنكرين فى صورة ناس كبيرة ...... و المشكلة فى ان المعيلة دى مش بتيجى غير من الكبار المديرين او المستشارين مش من الشباب الصغيرين .......
يعنى مثلا انا طول عمرى مرتبية على ان الرزق دة شئ مكتوب و حاجة ربنه هو الى بيوزعها ...... لكن المفهوم دة مش موجود خاالللللللص فى الشغل ...... واحد تجيلوا علاوة ولا زيادة فى مرتب و لا مكافأة تقوم الدنيا و متقعدش اشمعنا هو ياخد و انا لا .... اشمعنا؟ هو كدا بيأخد رزقى و رزق عيالى ..... رزقك ورزق عيالك اييييييييية بس ....... لا ومش بس كدا دة تلاقى الاخوة الحلوين الى بيحبوا ديما يسعوا فى الخير لازم يشعللوة ..... و يقولولو طبعا معاك حق انتا ازاى ساكت كدا لازم تشتكى ما انتا بتشتغل زيك زيوا و هتلاقية هو ولا بيشتغل ولا حاجة ..... روح اشتكى و احنا هنشهد معاك ..... و اول ما يروح يشتكى كلوا يعمل عبيط و يلبس هو فى الحيط ...... خدتوا بالكوا هما بيعملوا اية مع اخينا الى متدايق اوى دة من الى اخد رزقة تعالوا بقى شوفوا الناحية التانية عند اخينا الى اخد المكافأة و التهانى و الاشادة بمجهوداتة العظيمة و اد اية هو راجل طيب و يستاهل و اد اية هما مستغربين من اخينا الى زعلان دة و اد اية هو راجل حقود و غلاوى ...... ببقى نفسى اقولهم اد اية انتا بوشين و منافقين ........ و كل دة بيدور ما بين اية مديرين عموم و مستشارين يعنى اصغر واحد فيهم 50 سنة بعد اسئل نفسى هما مشبعون من كتر الحجات الى اخدوها ....... و ال اية انا الى كنت خيفة لحسن اسلوبى يكون عيالى و يستهفونى الناس الى كنت فكراهم كبار ...... ال كبار ال
و الى اللقاء فى الحلقة القادمة من عالم عيال عيال

الأحد، 18 أبريل 2010

مرايتى الصادقة

احلى حاجة فى الدنيا لما تحس بأهتمام الناس الى بتحبهم و تحس بخوفهم عيك .... تحس انك عندك استعداد تعمل اى حاجة علشان ترضيهم و علشان تطمنهم عليك .....و الاحلى بقى لما تحس ان جمبك و لو شخص واحد يكون زى مرايتك الى بتشوف فيها نفسك بدون اى تجميل ... انسان بيخاف عليك و على مصلحتك .... انسان ممكن تتكلم معاة فى اى حاجة تخطر على بالك .... انسان تضمن انة يحفظ سرك و يقولك الراى السليم ..... انسان فهمك و انتا كمان فهمة ..... مش سهل فى زمنا دة انك تلاقى حد بالمواصفت دى ..... ممكن تلاقى حد عندة معارف كتير و اصحاب كتير بس معندهوش الشخصية دى ...... و ممكن العكس تلاقى واحد معرفة مش كتير و صداقاتة محدودة بس عندة الشخصية دى انا بعتبر الانسان دة من المحظوظين ...... و الحمد لله انا بعتبر نفسى من المحظوظين لانى قابلت الشخصية دى ...... كتير بسال نفسى يا ترى لو مكنتش قابلت الحد دة كانت حياتى هتكون عملة ازاى ....... شخصية ليها غلاوة فى قلبى ملهااااااااش حدود مهما بعدنا و مهما اختلفنا هتفضل احسن شخصية انا قبلتها فى حياتى و مهما عملت مش هقدر ارد و لو حزء من الدين الى فى رقبتى له ..... انا عيزة اقولة شكرا شكرا اوووووووى يا اعز الاصدقاء على كل شئ و بجد بجد اسفة واوووووى على اى حاجة انا عملتها زعلتك منى و بجد ندمانة اووووووى
بتمنى تسامحنى من قلبك و تدوم صداقتنا الى الابد .....

السبت، 17 أبريل 2010

الجمعة، 16 أبريل 2010

عمار يا مصر

انا كنت نوية اول موضوع اكتبة فى المدونة يكون عن شغلى بما ان المدونة اسمها يوميات موظفة جديدة ....... بس الى سمعتة امبارح خلانى اشيط من كتر الغيظ ....... فقولت احكيلكوا يمكن لما احكى الغيظ دة يهدى ...... اول امبارح واحد من الى معاية فى المكتب مجاش و عرفت من الناس التانين ان مراتة تعبت و نقلوها المستشفى ..... تانى يوم هو جية الشغل و شكلة متدايق جدا ..... فبقولة الف سلامة على مراتك مش هى بقيت احسن ...... بصلى بصة فيها حزن غرييييب و قالى الحمد لله على كل حال ....... فواحد تانى سئلة خير هو فى اية .... و عرفت ان مراتة كانت حامل فى الشهر التانى و فجأة تعبت و لما راحت المستشفى عرفوا ان دى حالة اجهاض ..... فانا قولتولوا معلش و ربنا يعوض عليكوا انتوا لسة صغيرين و ربنا يرزقكوا بطفل تانى ...... قالى هو انتى فاكرة انوا هو دة الى مزعلنى انا صحتها عندى بالدنيا .... قالى المشكلة مش فكدة ....... المشكلة بدئت بعد ما روحنا لقيتها سخنت جامد اوى و بدئت تروح منى خالص فجريت بيها تانى على المستشفى و اعدوا فترة مش عرفين اية سبب التعب الى هى فية و التعب عمال بيزيد ...... فقرروا يعملولها اشعة علشان يعرفوا السبب ...... تخيلوا طلع اية السبب........ البهوات الى متخرجين من كلية طب و الى واخدين لقب طبيب و هما بيشيلوا الطفل من الرحم قطعوا حتة من القولون نتج عنها نزيف هو الى عملها كل دة ....... و مينفعش انها تعمل عملية تانية لانها لسة خارجة من عملية الاجهاض .... طيب الحل اية يا بهوات .... الحل انها هتقعد عندنا فى المستشفى 40 يوم لحد لما القوولون يلتئم لوحدة و بالتالى هتعبش على المحاليل و السوائل
و دى مستشفى تخصصى مش حكومة يعنى المفروض الدكترة الى فيها يكونوا على مستوى عالى من الكفائة ....... غير كدا كمان الموظف الغلبان دة الى مرتبة 500 جنية هيجيب منين الفلوس بتاعت ال40 يوم دول شوفوا بقى الليلة فى المستشفيات دى بكام ....... انا قولتلوا المفروض ال40 يوم دول تقعدهم على حساب المستشفى دى غلطتهم هما ....... بس تقول لمين ......مش قولتلكوا عمار يا مصر

الجمعة، 9 أبريل 2010

بيتى الجديد

انا سهرانة و مش جايلى نوم مش عرفة لية ..... و اعدة بسمع عمنا عبد الوهاب ..... فقولت لما ادخل اكتب على مدونتى المهجورة الى مبيخوشهاش غيرى هههههههه ...... و اعدت افكر اكتب اية حسة فى مواضيع كتييييرة اوى جواية نفسى اتكلم فيها معاكوا ........ بس لما اعدت افكر قولت لنفسى المفروض ان الناس الحلوين الى هتكلم معاهوم لازم يعرفونى و بما انى بعتبر المدونة دى بيتى الجديد و انا دلوقتى بدعى الناس لزيارتوا فقولت انى ادخل اكتب عنى بعض المغلومات .... علشان لما تزورا بيتى المتواضع تكونوا عرفين صحبة البيت الى انتوا هتزروة ....
انا اسمى نجلاء ها و ياريت تركزوا على "ء" دى علشان معظم الناس الى حولية بيكلوا الحرف الضغير الغلبان دة و دى حاجة بتغظنى موووت, عندى 23 سنة الا كام اسبوع كدا , لسة متخرجة طازة من كلية سياحة و فنادق جامعة حلوان , و لسة موظفة جديدة لانج و يمكن حكاية الوظيفة دى هى الى شجعتنى انى اعمل المدونة دى .... لانى شوفت حجات كتير و لاحظت حجات اكتر حسيت انى عوزة اتناقش معاكوا و حجات اكيد الناس الى شغالة من كتير ممكن تفيدنى فيها ........
دى المعلومات العامة الى ممكن اقولها و بيتهئلى النى منسيتش حاجة
هستنا ضيوفى العزاز و متقلقوش البيت يساع من الحبايب الف و مستعد لاستقبال الناس الحلوين فى اى وقت

سلام كبير اوى

احلى سلام على احلى ناس ...... دى اول حاجة انا بكتبها فى مدونتى ...... و انا حبة اعتذر لو انها معمولة بشكل مش جذاب خالص ..... و لسة مفيش فيها مواضيع و لا ناس ممكن تتابع المواضيع ...... بس دة سببة قلة معلوماتى عن كيفية تظبيط المدونة + عدم معرفتى بكيفية الوصول للناس الحلوين الى على المدونات ......... و بعدين احنا عندنا مثال مصرى جميل بيؤلك اية : " الغريب اعمى و لو كان بصير "
بس ان شاء الله عن ما قريب الغربة و التوهة دى هتروح و هتبدا الامور تستتب ... و ياريت ونبى لوحد ماشى اتكعبل فى المدونة دى يعرفنى اوصل للناس ازااااااااااى .