انا سهرانة و مش جايلى نوم مش عرفة لية ..... و اعدة بسمع عمنا عبد الوهاب ..... فقولت لما ادخل اكتب على مدونتى المهجورة الى مبيخوشهاش غيرى هههههههه ...... و اعدت افكر اكتب اية حسة فى مواضيع كتييييرة اوى جواية نفسى اتكلم فيها معاكوا ........ بس لما اعدت افكر قولت لنفسى المفروض ان الناس الحلوين الى هتكلم معاهوم لازم يعرفونى و بما انى بعتبر المدونة دى بيتى الجديد و انا دلوقتى بدعى الناس لزيارتوا فقولت انى ادخل اكتب عنى بعض المغلومات .... علشان لما تزورا بيتى المتواضع تكونوا عرفين صحبة البيت الى انتوا هتزروة ....
انا اسمى نجلاء ها و ياريت تركزوا على "ء" دى علشان معظم الناس الى حولية بيكلوا الحرف الضغير الغلبان دة و دى حاجة بتغظنى موووت, عندى 23 سنة الا كام اسبوع كدا , لسة متخرجة طازة من كلية سياحة و فنادق جامعة حلوان , و لسة موظفة جديدة لانج و يمكن حكاية الوظيفة دى هى الى شجعتنى انى اعمل المدونة دى .... لانى شوفت حجات كتير و لاحظت حجات اكتر حسيت انى عوزة اتناقش معاكوا و حجات اكيد الناس الى شغالة من كتير ممكن تفيدنى فيها ........
دى المعلومات العامة الى ممكن اقولها و بيتهئلى النى منسيتش حاجة
هستنا ضيوفى العزاز و متقلقوش البيت يساع من الحبايب الف و مستعد لاستقبال الناس الحلوين فى اى وقت
مرت سنة
قبل 6 أعوام
3 التعليقات:
بسم الله الرحمن الرحيم
السلام عليكم ورحمة الله وبركاته
تشرفنا بمعرفتك يا نوجى "لو سمحتيلي يعني اني ادلعك"
وانا في انتظار كل جديدك ان شاء الله في عالم الوظايف لما نشوف كدة ايه اللي بيحصل في خلق الله أهو الواحد ياخد خبرة برضه
منتظرينك بقى
إى العزيزة .... طبعا اسمحلك و نص تدلعينى و حلوة نوجى دى اول مرة حد يدلعنى بيها .... و ان شاء الله الجديد نازل بس انا مزنوقة شوية اليومين دول مابين الشغل و الكورس بس ان شاء الله هيخلص يوم الاتنين .... و هبدا اركز مع المدونة .... و هتشوفى يا ستى الحجات العجيبة الى موجودة فى عالم الموظفين .... و هنتكلم كمان فى مواضيع تانية كتييييير ... انا بجد مبسوطة جدا بتشريفك لمدونتى
Yawmiat mwazafa gadeeda
إرسال تعليق